Arkitektura zibila

Salazartarren jauregia

Muñatoizko gazteluaren ondoan, bidetik nahikoa hurbil. Haren fatxadean Muñatoiz eta Salazartarren armariak daude zizelaturik.

Enterrado jauregia (s. XVIII)

Salazartarren jauregiaren aurrez-aurre dago, bidearen bestekaldean. Fatxadan, balkoi baten gainean, Muñatoiz eta Salazartarren armarri bat dago.

Treto jauregia

Santanderrerako bidearen ondoan kokaturik dago, ezkerraldean. Atearen gainean Treto,Quadra, Montaño eta Llano leinuen armarria dago, bat laurden bakoitzean.

Alvarado jauregia (s. XVIII)

Santanderrerako bidearen eskuinaldean kokaturik dago, Tetro jauregia baino Muskizerantzago. Fatxadan Alvarado, Quadra eta Mollinedotarren armarria ikus daiteke.

Lavalle jauregia

Alvarado jauregia baino metro batzuk lehenago kokatua, Santanderrako aipatu bidean. Erdiko baikoiko atearen gainean Lavalle, Cortes, Zugasti eta Ortiz eta Cartabloren armarria dago.

Llarena jauregia (1727)

Somorrostro/Donibanetik Pobeñara doan bidean kokaturik dago, ezkerrerako desbideraketa batean. Fatxadan, ia erlatzaren azpian, Llarena, Salcedo, Quadra eta Gortazartarren armarria dago.

Villar jauregia

Muskizko San Julian elizaren aurrez-aurre kokatua. Bidera begira dagoen fatxadan arte-balio handiko armarria artatzen da, zeinek Villartarren armak irudikatzen baititu.

Muskiz-Muñatoiz jauregia

San Julian elizatik gertu dago, bidealde berean. Erdiko fatxadan, eta frontoi neoklasiko batek erremataturik, Asturias-Muñatoiz, Salazar eta Muskiz leinuen armarri ederra dago.

González edo Sota jauregia (1726)

Erdiko balkoiaren gainean Gonzalez, Melida, Treto eta Llanotarren armarria dago.

Memerea oinetxea

Memerea auzoan kokatua, Muskiztik Garapera doan bidearen ezkerrerako desbideraketa batean. Fatxadan, ia erlatz parean, Sobrado, Mollinedo, De la Puente eta Rozas leinuen armarria dago.

Sendeja oinetxea (1747)

Santanderrerako bidean kokatua, Lavalle jauregia baino lehenago. Altuera desberdineko etxe biek bat egiten duten tokian, Sendeja eta De la Quadratarren armarria dago.

Oyancas etxea (s. XVIII)

Llarena jauregia dagoen bidetik aurrera eginaz koaturik dago, asfaltatua bukatzen den tokian.

Muskiz-Murga etxea

Gonzalez jauregitik San Julian elizarantz doan bidearen ezkerraldean kokaturik dago. Fatxadan Muskiz-Murgatarren armarria du.

Barandika etxea

San Julianetik Pobeñarako bidearen gainean dago.

Álvarez de la Bodega etxea

Jauregi bukatu gabearen gaineko muino batean dago, Pobeña auzoan. Haren fatxadan bi armarri daude: Salazar eta La Bodega leinuenak.

Urioste etxea

Elizatik nahikoa gertu, bidearen bestekaldean. Elizaren aurreko fatxadan Sobrado-Salazartarren armarria dago.

Altxiga etxea

Pobeñako erdiko kalean kokaturik dago. Leihoburu batean bi armarri ditu: Atxiaga eta La Bodega leinuak.

Salazar etxea (1646)

Revilla auzoan dago eta El Valletik ere sarbidea du. Fatxadan, balkoi baten gainean bi armarri daude, bata Salcedoren armena aldaketa batzuekin, eta bestea Salazartarren armena.