Albisteak

 

Lehen eta Bigarren Hezkuntzan Heziketa Afektibo Sexuala lantzeko programari jarraipena  eman dio Muskizko Udalak. Zerbitzu hau oso modu positiboan baloratu dute udalerriko hezkuntza zentroek, hain justu ere, oinarrizko heziketa sexualeko, dibertsitate sexualeko eta berdintasuneko eta hezkidetzako programei esker. Urteko 12.000 €-ko gehiago aurrekontuarekin, Desirak-Sexología eta Generoko Zerbitzua enpresak jarraituko du kudeatzen Muskizko Udaleko programa hau.

Muskizko Udaleko Heziketa Afektibo-sexualeko Programan, guztira, udalerriko 471 ikaslek hartu dute parte, eta hauek dira programa honen helburuak: dibertsitatetik abiatuta sexualitatea balore positibo modura gizarteratzea, kontzeptua zabaldu eta finkatzea, LGTB errealitateak normalizatu eta autoestimua sustatzea eta familia esparruan komunikazioa bultzatzea, errespetua, berdintasuna eta genero berdintasuna sustatzea eta jarrera sexistak murriztea.

Muskizko Udaleko Berdintasun eta Drogomendekotasun Sailak urteak daramatza udalerriko hezkuntza zentro guztietan lan egiten, zehazki, San Juan Ikastetxeko, Muskizko Ikastolako, Cantarrana Eskolako, Somorrostro Irakasguneko eta BHI Muskiz zentroko ikasleekin (lehen hezkuntzako 5. eta 6. mailak eta bigarren hezkuntzako 2. eta 3. mailak), nerabeek errespetuzko harremanak eta harreman osasungarriak izan ditzaten, eta horretarako, autoestimua indartzen da eta dibertsitate sexuala, akordioa, mugak eta genero berdintasuna positibizatzen dira hezkuntza zentroetan.

Heziketa Sexualeko programak gaur egungo uste, mito eta estereotipoak zalantzan jartzen ditu, betiere dinamika ludikoen bidez, programa honen helburu diren herritarren adin tartera egokituz, eta metodologia parte hartzaile eta hurbil baten bidez interesa piztuz. Era berean, familiekin ere lan egin da zerbitzu honen barruan.

Zerbitzuaren balorazioa

Zerbitzuaren balorazioari dagokionez, parte hartu duten familiek adierazi dutenez, “etxeko komunikazioa hobetu egiten da kasu gehienetan, are aurretik jadanik komunikazioa zegoen kasuetan ere”. Hortik aparte, familien ahotan, “garrantzitsua da hasierako bilerekin eta balorazio bilerekin jarraitzea, izan ere, hori guztia familientzako prestakuntza ere izan daiteke”. Familiekin egindako lana, funtsean, arratsaldeko saio batzuk bideratzea izan da, batez ere, familia aniztasuna eta emozioen eta sexualitatearen kudeaketa lantzeko.